Анаабырдар быыбарга куруук үрдүк көрдөрүүнү ситиһэллэр

Быйылгы быыбарга эмиэ урукку тэтими ыһыктыбакка, күһүҥҥү ардахтаах күн дьон дьиэҕэ бүгэнэн сыппакка, көхтөөхтүк быыбардыыр учаастакка хаамар. Бастакынан болдьох иннинэ куоластаабыт олохтоохтор бүллүтүөннэрин уурунаҕа туһэрдилэр. Ол кэннэ, кэлбит дьон бэйэтин гражданскай иэһин толордо.

Анаабыр улууһун олохтоохторо СӨ Ил Дарханын, норуот дьокутааттарын, ону таһынан улуус баһылыгын уонна «Сугулан» дьокутааттарын талаллар. Улуус үрдүнэн Ил Дарханы талыыга барыта 2634 быыбардааччы баарыттан, билиҥҥи туругунан 63,71% куоластаата. Оттон улуус Аҕа баһылыгын таларга 1929 быыбардааччы баарыттан 1095, ол эбэтэр 56,82% киһи кэллэ диэн ТИК бэрэссэдээтэлэ Андросова Анастасия Аркадьевна иһитиннэрдэ.

Онон быыбар түмүктэниитэ анаабырдар 80%-тан кырата суох көрдөрүүнү ситиһиэхтэрэ диэн эрэллээхпит.

Ааптар: Екатерина АНДРОСОВА.